Кансультацыі на тэму скразных каштоўнасцяў ад арганізацыі «ІншыЯ» (дэдлайн — 14 ліпеня)

Арганізацыя «ІншыЯ» прапануе атрымаць бясплатныя кансультацыі і іншую падтрымку на тэму скразных каштоўнасцяў.

Для каго: арганізацыі, ініцыятывы, асобныя актывіст_кі, якія хочуць уключаць у сваю дзейнасць скразныя каштоўнасці больш сістэмна і паслядоўна з падтрымкай знешніх эксперт_ак.

Скразныя каштоўнасці — гэта ўніверсальныя для любой дзейнасці тэмы, звязаныя з дасягненнем глабальных мэтаў развіцця грамадства і дзяржавы. Арганізацыя «ІншыЯ» разглядае ў якасці скразных каштоўнасцяў правы чалавека, інклюзію, гендарную роўнасць і экапрыязнасць. Рэалізацыя гэтых каштоўнасцяў наўпрост звязаная з прынцыпамі дэмакратычнасці і дапамагае рабіць сваю дзейнасць больш устойлівай і ўплывовай, уключаць у працу новыя мэтавыя групы.

Што можна атрымаць у межах супрацы:

• базавыя кансультацыі па ўключэнні асобных каштоўнасцяў / практык у дзейнасць;
• аўдыт працэсаў, праектаў, дзейнасці на рэалізацыю скразных каштоўнасцяў, рэкамендацыі па паляпшэнні, суправаджэнне ў рэалізацыі рэкамендацый;
• аналіз праектных заявак на адпаведнасць скразным каштоўнасцям, парады па ўзмацненні праектных заявак;
• ацэнку неабходнасці і дапамогу ў распрацоўцы асобных тэматычных палітык;
• інфармацыйныя і адукацыйныя мерапрыемствы для каманд па скразным каштоўнасцям, уключэнню іх у дзейнасць і працэсы;
• іншыя паслугі па індывідуальным запыце.

Калі: ліпень-лістапад 2024 года. Дакладны час будзе абмяркоўвацца асобна па кожным запыце.

Для запісу на кансультацыі трэба запоўніць форму запыта.

Дэдлайн — да 14 ліпеня 2024 года (альбо да закрыцця формы). 

Колькасць бясплатных кансультацый абмежаваная. Заяўкі будуць апрацоўвацца па чарзе і форма можа быць закрыта раней.