Беларуская Летняя школа Амбасадараў лічбавых навыкаў (дэдлайн — 9 жніўня)

Dig­i­tal Skills Coali­tion Belarus запускае Летнюю анлайн-школу па лічбавых навыках.

Калі: у жніўні-верасні 2024 года.

Дзе: на платформах Zoom і Google Class­room.

Можна ўдзельнічаць, калі вы:

• беларускі лідэр лічбавых змен;
• прадстаўнік арганізацыі/ініцыятывы/супольнасці беларускай грамадзянскай супольнасці;
• хочацепрапампаваць свае веды па лічбавых навыках;
• гатовы падзяліцца новымі ведамі ў сваіх арганізацыях/ініцыятывах/супольнасцях.

Тэмы курса:

• Супрацьстаянне дэзінфармацыі і контрпрапаганда.
• Лічбавая бяспека і канфідэнцыяльнасць.
• Стварэнне і прасоўванне кантэнту для розных інклюзіўных груп.

Падчас заняткаў будзе магчымасць запісацца на індывідуальныя ментарскія сустрэчы з экспертамі, каб атрымаць парады і рэкамендацыі па сваіх праектах.

Удзельнікі, якія паспяхова завершаць курс, будуць запрошаныя да ўдзелу ў трохдзённым афлайн-трэнінгу прасунутага ўзроўню, у Варшаве або Вільнюсе ў верасні.

ПАДАЦЬ ЗАЯЎКУ

Дэдлайн рэгістрацыі — 9 жніўня 2024 года, 23:59.

Больш інфармацыі — па спасылцы

Кааліцыя па лічбавых навыках Dig­i­tal Skills Coali­tion Belarus створана ў 2020 годзе Baltic Inter­net Pol­i­cy Ini­tia­tive і Asso­ci­a­tion New Group у рамках Беларускай Нацыянальнай Платформы Форуму Грамадзянскага Ўсходняга Партнёрства.

У фокусе праекта — развіццё лічбавых навыкаў і кампетэнцый беларусаў, змякчэнне негатыўных наступстваў пандэміі COVID-19, а таксама дапамога арганізацыям у ажыццяўленні лічбавай трансфармацыі і ўдасканаленні лічбавых навыкаў сваіх мэтавых груп.