Прэмія Free Press Awards 2026 для журналістаў (дэдлайн — 16 кастрычніка)

Міжнародная арганізацыя Free Press Unlim­it­ed адкрыла прыём намінацый на Free Press Awards 2026. Гэта прэмія, якая адзначае ўдзельнікаў за адданасць незалежнай журналістыцы і свабодзе прэсы, а таксама за мужнасць і настойлівасць у складаных умовах.

Фота: freepressunlimited.org

У 2026 годзе ўзнагароды ўручаць у дзвюх катэгорыях:

• Дэбютант года (New­com­er of the Year — Hans Ver­ploeg Award) — для перспектыўных журналістаў, якія маюць не больш за чатыры гады прафесійнага досведу і дэманструюць прыхільнасць незалежнай журналістыцы і свабодзе прэсы. Пераможца атрымае стыпендыю.
• Найбольш стойкі журналіст (Most Resilient Jour­nal­ist) — для журналіста, які працягвае працаваць, нягледзячы на сур’ёзны ціск, пагрозы або іншыя складаныя абставіны. Пераможца атрымае грашовую ўзнагароду.

Хто можа ўдзельнічаць

Самастойна падаць сябе на прэмію нельга — журналіста павінна намінаваць іншая асоба. Пры гэтым намінант мусіць ведаць пра намінацыю і пагадзіцца на яе. Да заяўкі неабходна дадаць не менш за тры прыклады журналісцкай працы.

Для катэгорыі New­com­er of the Year дзейнічае дадатковая ўмова: журналіст павінен мець не больш за чатыры гады досведу ў журналістыцы.

Заяўкі ацэньвае незалежная міжнародная экспертная камісія.

Як падаць заяўку

Намінаваць журналіста можна праз анлайн-форму на сайце Free Press Unlim­it­ed. Да намінацыі трэба дадаць прыклады яго ці яе працы і пераканацца, што намінант ведае пра вылучэнне і даў на яго згоду.

Дэдлайн — 16 кастрычніка 2026 года.

Намінаваць журналіста і даведацца больш пра ўмовы можна на афіцыйнай старонцы Free Press Awards 2026.